lunes, 11 de octubre de 2010
Güei
GÜEI
Nun sé cómo ye'l camín,
nun sé cuánto voi tardar.
Voi dir pasín a pasín
sintiendo'l ritmu al andar.
Güei empieza'l viaxe hacia'l restu la mio vida.
Yá nun tengo mieu, piso l'acelerador.
Tiro pela borda tol pasáu que me intoxica,
porque soi pilotu que nun quier retrovisor
Toi cansáu de tar sentáu y esperar;
Güei decido echar andar.
Nun hai un camín a la felicidá,
solo hai que ponese a caminar
Van surdir problemes, sé que nun ye pan comío;
voi pelar de frío y afogame de calor;
nun me importa nada, ya lo tengo decidío;
ye muncha potencia la que tien esti motor
Toi cansáu de tar sentáu y esperar;
Güei decido echar andar.
Nun hai un camín a la felicidá,
solo hai que ponese a caminar
Esto que te digo ye una cosa bien frecuente;
vive xente a escures esperando ver el sol.
El poder que tienes ye namás que pa'l presente;
el pasáu pasó, el futuru nun llegó.
Toi cansáu de tar sentáu y esperar;
Güei decido echar andar.
Nun hai un camín a la felicidá,
solo hai que ponese a caminar
El ríu
EL RÍU
Baxo’l mantu dun cielu gris,
Siendo yá iviernu,
Silenciosu cayía l’orpín
Sobre’l fayéu.
Cielu gris,
Siendo yá iviernu,
Silenciosu cayía l’orpín
Sobre’l fayéu.
Yá l’arroyu dende’l cordal
Baxa por fin.
Nadie ye capaz de torgar
El so camín.
Del cordal
Baxa por fin.
Nadie ye capaz de torgar
El so camín.
Ríu tranquilu que’l to caudal
Baña la vega
Yá tarreces llegar al mar
muertu de pena.
El to caudal
Baña la vega
Yá tarreces llegar al mar
muertu de pena…
muertu de pena…
muertu de pena.
viernes, 8 de octubre de 2010
Rock de les madreñes
ROCK DE LES MADREÑES
Pachu l’aldeanu ye un rapaz de Xixón
Tien ochenta años siempre tien buen humor
Nun pierde una fiesta onde haya folixón
Bailla’l xiringüelu y tamién rock and roll
Rock, rock, báillalu en madreñes
Rock, rock, báillalu en madreñes
Ríese de tos
y bailla en madreñes el rock
Tol mundu lu mira cáusa-yos impresión
Velu con madreñes nun conciertu de rock
Y cuando-y entruguen daqué so la cuestión
Diz que ye asturianu y que-y presta’l rock
Rock, rock, báillalu en madreñes
Rock, rock, báillalu en madreñes
Ríese de tos
y bailla en madreñes el rock
Pachu l’aldeanu diz que tien la razón
Diz que’l xiringüelu nun se riñe col rock
Hai quien pon playeros pa baillalu meyor
Pachu pon madreñes pa baillar el rock
Rock, rock, báillalu en madreñes
Rock, rock, báillalu en madreñes
Ríese de tos
y bailla en madreñes el rock
Pachu l’aldeanu ye un rapaz de Xixón
Tien ochenta años siempre tien buen humor
Nun pierde una fiesta onde haya folixón
Bailla’l xiringüelu y tamién rock and roll
Rock, rock, báillalu en madreñes
Rock, rock, báillalu en madreñes
Ríese de tos
y bailla en madreñes el rock
Ríese de tos
y bailla en madreñes el rock
Ríete de tos
y bailla en madreñes el rock
lunes, 19 de julio de 2010
Si tas conmigo
SI TAS CONMIGO
Nun soi un supermán,
yá lo ves.
Por nun saber volar
camino colos pies.
Oh yea.
Nun soi un potentáu,
dame igual.
Ando siempre peláu,
nun tengo capital.
Oh yea.
Pero si tas conmigo
yo puedo volar a Orión,
facete palacios,
conquistate despacio
y escribir el Catón.
Nun soi intelectual,
yá lo sabes,
conozco la verdá
que m’enseñó la calle.
Oh yea.
Pero si tas conmigo
yo puedo volar a Orión,
facete palacios,
conquistate despacio
y escribir el Catón.
Nun soi un supermán,
yá lo ves.
Por nun saber volar
camino colos pies.
Oh yea.
Nun soi un buen galán,
yá m’entiendes.
Soi torpe, veo fatal
y fáltenme unos dientes.
Oh yea.
Oh yea. Oh yea Oh yea Oh yea
viernes, 14 de mayo de 2010
Quita p'allá
QUITA P'ALLÁ
Llevántome a les seis de la mañana
Maldita gana dir a trabayar
Quita p’allá, quita p’allá
Quita p’allá, quita p’allá
La radio da noticies preocupantes
El mundu tien conflictos importantes
Quita p’allá, quita p’allá
Quita p’allá, quita p’allá
Como un llobu en llibertá
Atravieso la ciudá
El tráficu ruidosu queda atrás
Necesito respirar
Tomar aire pa gritar
Porque yá nun puedo más
Semáforos en roxu que me miren
Problemes aparcaos en doble fila
Quita p’allá, quita p’allá
Quita p’allá, quita p’allá
Necesito reventar
Cola fuerza del volcán
Subir al cielu sólo pa mirar
Porque quiero ver el mar
Les gaviotes esnalar
Siento que nun puedo más
El tiempu que me queda por delantre
Quilómetros que van quedando atrás
Quita p’allá, quita p’allá
Quita p’allá, quita p’allá
Quita p’allá, quita p’allá
Quita p’allá, quita p’allá
viernes, 16 de abril de 2010
Mirándote dormir
MIRÁNDOTE DORMIR
Nun sé mui bien cómo esplicar
Lo que me pasa xunto a ti
Qué placer
Mirándote dormir
Musiquina de paz
Que suena al mirar pa ti
Duermi bien
Nun tengas mieu a ná
Cantará un paxarín
Mañana pa despertar
Xente que va, xente que vien
Xente que nun se da cuenta
Xente que quier y nun saben que
Ellos nun saben que…
Soi feliz
Mirándote dormir
Escaecese de too
Ná más que mirar pa ti
Duermi bien
Nun tengas mieu a ná
Un besín pa dormir
Y otru pa despertar
Xente que va, xente que vien
Xente que nun se da cuenta
Xente que quier y nun saben que
Ellos nun saben que…
Soi feliz
Mirándote dormir
Musiquina de paz
Que suena al mirar pa ti
Musiquina de paz
Que suena al mirar pa ti
La mio guitarra
LA MIO GUITARRA
Tú pues insultame
Pues despreciar la mio traza
Pues estrapallame
Pues cuspime a la cara
Pero nun me la quites
Pero nun me separtes
De mio guitarra
Cuando anduvi solu
Cuando me diestis la espalda
Enes nueches llargues
Que nun esperaba nada
L’únicu gabitu
El mio meyor collaciu
Fue mio guitarra
Y cuando m’entrugues
Oye, cómo tas
Mio guitarra
Dirá la verdá
Güei siéntome fuerte
Güei nun me preocupa nada
Quiero que saltéis
Y que vos mováis con gana
Por eso mio guitarra
Que tien gana folixa
Fala así
Y cuando m’entrugues
Oye, cómo tas
Mio guitarra
Dirá la verdá
Tú pues insultame
Pues despreciar la mio traza
Pues estrapallame
Pues cuspime a la cara
Pero nun me la quites
Pero nun me separtes
De mio guitarra
Pero nun me separtes
De mio guitarra
Pero nun me separtes
De mio guitarra
Dime si la ves
DIME SI LA VES
Ella tolo ve
A ella nun toos la ven
Lleva chistera blanca
Y levita de papel
Botes de blima
Tien el pelo arroxao
Llega-y hasta los pies
Anda como baillando
Apaez y desapaez
Ye incomparable
Dime si la ves
Vas date cuenta enseguida
Que too va bien
Que ye gracies a ella
Y si tú quies
Ye una marea que te arrastra
Pa onde ella quier
Tú yá sabes quién ye
Ella ta en cualquier llau
Salta pelos teyaos
Entra peles ventanes
Atraviesa la paré
Nun hai quien la pare
Dime si la ves
Vas date cuenta enseguida
Que too va bien
Que ye gracies a ella
Y si tú quies
Ye una marea que te arrastra
Pa onde ella quier
Tú yá sabes quién ye
Dicen que ye mentira
Dicen que nun pue ser
Ye que nunca la vieren
Y enxamás la podrán ver
Nun ye pa ellos
Dime si la ves
Dime si la ves
Dime si la ves
lunes, 12 de abril de 2010
Nun te convién baillar el rock
NUN TE CONVIEN BAILLAR EL ROCK
Si vas a la contra de tolo que ves
Si tú nunca diesti el brazu a torcer.
Si el to credu ye’l qu’hai que creyer
Si yes el gran güeyu que tolo ve.
Si uses esquemes que se puen romper
Nun te convién baillar el rock.
Si siempre decides quién tien la razón
Si el pasu nun cedes nin pides perdón
Si tú solo sabes la gran solución
Si yes el que vende la mio salvación
Si nunca suañasti la Revolución
Nun te convién baillar el rock
Pon un pie p'alantre y otru pie p'atrás
Ximielga la pelvis si te presta más
Alza bien los brazos como pa esnalar,
Pega un par de saltos y vuelta a entamar.
Si tú yes el norte, la estrella polar
Si tú yes el faru ena tempestá
Si yes el pastor de la Humanidá
Si quies ser el xuez del xuiciu final
Si tas per encima del bien y del mal
Nun te convién baillar el rock
Pon un pie p'alantre y otru pie p'atrás
Ximielga la pelvis si te presta más
Alza bien los brazos como pa esnalar,
Pega un par de saltos y vuelta a entamar.
Si vas a la contra de tolo que ves
Si tú nunca diesti el brazu a torcer.
Si el to credu ye’l qu’hai que creyer
Si yes el gran güeyu que tolo ve.
Si uses esquemes que se puen romper
Nun te convién baillar el rock.
domingo, 11 de abril de 2010
Cuento contigo
CUENTO CONTIGO
Tengo una idea, pue ser un buen plan
Yá solo me falta ponelu a rodar
Amigos preciso que se quieran xuntar
Yo llevo les copes pa brindar al final
Voi dar una fiesta y nun pues faltar
Si te queda lloñe yá te paso a buscar
Allí nos veremos pa cantar y baillar
Si tamos toos xuntos yo nun pido más
Cuento contigo
Pa compartilo
Cuenta conmigo
Da vueltes la Tierra y más que va dar
Espero algún día podelo contar
Sentáu n’una playa viendo’l tiempu pasar
Bebiendo buen vino, tranquilu y en paz
Cuento contigo
Pa compartilo
Cuenta conmigo
Si ves que la murnia nun te dexa pensar
Nun sabes qué pasa, por qué too sal mal
Si nun ves salida y nun pues escapar
Si n’esos momentos t’apetez llorar
Tendrás una idea, pue ser un buen plan
Yá solo te falta ponelu a rodar
Amigos precises que se quieran xuntar
Yo llevo les copes pa brindar al final
Cuento contigo
Pa compartilo
Cuenta conmigo
Suscribirse a:
Entradas (Atom)